احتل وسم «#لأني_سعودية_ما_أقدر» على موقع التواصل الاجتماعي «تويتر»، قائمة الأكثر تداولًا، حيث تبادلت السعوديات عبره الحقوق والحريات التي تُحرم منها المرأة في المملكة، بسبب «قوامة» الرجل عليها، وانطوائها تحت عباءة ولاية الأمر عليها، التي قد تبالغ أحيانًا في التحكُّم في الفتاة السعودية، وفقًا لقولهم.
وبحسب التعليقات التي تلقت أكثر تفاعل بين المدوّنين عبر الوسم، قالت «روان الحليلة»: «#لأني_سعودية_ما_أقدر أطلع من دار الحماية إلا بإذن ولي أمري الي هو عنفني أساسًا وارجع أعيش معه،بس لا هو وقع تعهد حطوه بالدرج ماراح يعنفني! و#لأني_سعودية_ما_أقدر أمي سعودية بعمر الـ 60 سنة، ولدها أبو 22 سنه عنده صك ملكية وماتخدم أمي إلا إذا وافق لها وليها».
فيما تقول «زينب»: «#لأني_سعودية_ما_أقدر أطلع من السجن إلا بإذن ولي أمري، إذا ما وافق أظل مسجونة مؤبد». مضيفة: «#لأني_سعودية_ما_أقدر اشتكي على واحد عنفني بلاغي ما يقبل إلا بحضور المعنف»، يعني لازم أقوله: «لو سمحت ممكن تجي معاي نشتكي عليك؟».
«نورة» تطرقت بتعليقها إلى إلزام الفتاة السعودية بأخذ إذن أهل بيتها من الرجال قبل الخروج لقضاء مصالحها، وتقول: «#لأني_سعودية_ما_أقدر اطلع من البيت الا وانا ماخذه موافقه من كل الذكور الموجودين فيه ولو وافق الاول والثاني رفض عادي مره يتكنسل المشوار».
وتضيف أخرى بنبره تهكمية: «#لأني_سعودية_ما_أقدر اقود سيارتي بنفسي ولا أكون مواطنة من الدرجة الأولى أنا بالقانون تابعة للذكر متساوية مع القاصر لأنه لا يوجد سن رشد لي.!». بينما تستنكر أخرى: «#لأني_سعودية_ما_أقدر اختار الزوج المناسب لي ولا أقدر أتزوج من هو كفء لي ولا أقدر أتعالج وأخضع لعمليات جراحية ولا أقدر أعيش بأمان في وطني».
وتختتم «غادة» بقولها: «#لأني_سعودية_ما_أقدر أتوظف ولا أقدر استأجر ولا أكمل تعليمي ولا أتعالج ولا أسافر ولا أقدر أصير ولية على أولادي ولا أسوق سيارتي».
من ناحية أخرى، استنكر تيار معاكس تلك الانتقادات، معتبرين ما جاء عبر الوسم تشويه ومبالغات. حيث قالت إحدى الرافضات لما جاء من انتقادات عبره: «مرا ماخذين فكره غلط ترا ننجز ونقدر نسوي كل إلي نبغاه ومبسوطين الحمدلله بلاش تحسسوها إنها منغلقة ارتقوا بتفكيركم شويا»، وتضيف أخرى في ذات السياق: «معليش وش ذا الكلام عيب عيب حسيتونا معقدين ومنغلقين والله ياحنا عايشين ومرتاحين ودارسين وف امان؟ وش تبون اكثر؟».
«عبدالله إبراهيم» أحد المشاركين عبر الوسم، يقول بدوره: «إحمدي ربك إنك سعودية وعايشة ومبسوطة وأهم شي الستر والحشمة واتركي كلام الفاسدين اللي يبي يدمرونك». لتوافقه «بشائر العتيبي» قائلة: «تقدرين على كل شي بس مسوية دراما على راسنا».
حيث تواجه المرأة السعودية، صعوبات منتظمة عند إجراء معاملات مختلفة من دون أحد أقاربها الذكور، مثل استئجار شقة أو رفع دعاوى قضائية.
وفي تقرير سابق، ذكرت منظمة «هيومان رايتس ووتش»، أن نشطاء في مجال حقوق المرأة دعوا الحكومة السعودية بشكل متكرر إلى إلغاء نظام ولاية الرجل، وهو ما وافقت عليه الحكومة في 2009 و2013، بعد المراجعة الدورية الشاملة للسعودية في مجلس حقوق الإنسان التابع للأمم المتحدة.
